Ciao Svizzera
André Stürzinger

---

1. D'Nase platt as Fänschter truckt, fahrt es chlises Meitli furt
truurig luegt es zrugg ond schluckt zweimal liislig läär.
Träne rolled übers Gsicht, Papi, seit es, isch es wahr,
müend mer würkli usegah, gits e keis vilicht?

Chorus: Ciao, ciao Svizzera, ciao mia Patria
Ciao, ciao Svizzera, wänd ihr mich nümme ha?

2. I de Schuel, da wüsseds nüt, dass ich nümme zrugg cho chan
zrugglah mues ich alli Lüüt, won ich gärn gha han.
Will im Pass kei Chrüzli stönd, ond mir drum kei Schwizer send
törf ich nümme si mit Chind, wo mich guet verstönd

3. Wieso mir plötzlich furtgah müend, chani spöter nie verstah
wieso si unterscheide tüend, fremd ond eigni Chind.
Gits denn zweifach Sorte Lüüt i dem schöne Schwizerland
meined si ich hegi nüt gärn gha i dem Land?

4. Wieso mues ich i d'Fremdi gah, Schwizerdütsch isch mini Sprach
Alles mues ich jetzt verlah, ohni jede Grund.
Zäh Jahr hani da verbracht, d'Schuele hani au da bsuecht
alles mues i legelah, sowit händs es bracht.

Mmmm (wie Chorus)
Zäh Jahr hät es da verbracht, d'Schuele hät es au da bsuecht
alles mues es legelah, sowit hämmers bracht.

| D | e | A | D | h | e | A | D :||

---