Die blöde Ufzgi
Jürg Randegger

---

|| F | C7 | F | C7 | B | F | G7 | C7 ||

1. Wänn am Vieri d'Schuel uus isch,
freut sech gross und chli
Aber leider isch de Chrampf
nonog ganz verby
Dänn jetz wärded zerscht emal
d'Huusufgabe gmacht
Und wännt ändlich fertig bisch,
gits bim Eid scho Znacht

Chorus:
Die blöde Ufzgi mached mich verruckt,
die choge Arbet isch es wo mich truckt,
ich gieng vill lieber i d'Schule uf Ehr,
wänn nur die choge Ufzgimacherei nöd wär.

2. Ame schöne Summertag,
wänns so richtig heiss isch,
und au s chlynschti Ärbetli
scho en grosse Steiss isch,
wänn dänn all go bade gönd,
han ich nonig frei.
Das ich jetz mues Ufzgi ha,
isch de letschti Schrei

3. Wänns im Winter gschneiet hät,
alles gaht uf d'Schii,
wär ich doch, das isch ja klar,
schaurig gärn deby.
Aber euse Lehrer hät,
gar kei Musigghör.
Dä weiss nöd wie wunderschön,
dass s ohni Ufzgi wär!

---