Flickli
J. Randegger

---

Bi n eus i der Vierte
im hinderschte Bank,
Da höcklet de Guschti
ab däm lachsch die chrank.
Dä brengt euse Lehrer
total uf de Hund.
Me seit em nu Flickli
und das hät sin Grund:

Chorus:
I jedem Satz, i jeder Rächnig
flickt de Flickli.
In Sache Flicke hät de Flickli
sini Trickli.
Er striicht und gümmelet
und chratzet mit em Mässer.
In Sache Flicke
isch de Flickli en Profässer.

Ich glaube de Flickli,
dä meint s gar nöd bös.
Ich glaube, er isch eifach
supernervös.
Chuum schriibt er zwei Wörtli,
scho isch es passiert,
und dänn wird dä Fähler
halt schnäll korrigiert.

Doch schriibt dänn per Zuefall
so jedes halb Jahr,
de Flickli es Ärbetli
suber und klar,
dänn lächlet de Lehrer
zum hinderschte Bank:
"Chinde, ich glaube,
de Flickli isch chrank!"

---